سوشيال تريند
كشفت الفنانة ميسرة عن غضب والدتها منها بسبب الأدوار الجريئة التي قدمتها على شاشة التليفزيون والسينما خلال مشوارها الفنى.
وقالت إن والدتها لبنانية ولكنها متدينة وكانت خائفة عليها من الوسط الفنى، معلقة: «كانت فاكرة إنى هعمل حاجات محترمة».
وتحدثت الفنانة رأيها عن الزواج، ومواصفات فتى أحلامها ورأيها في الرجل المصرى واللبناني، وذلك من خلال برنامج “كلام ناس” مع الإعلامية ياسمين عز علي قناة MBC مصر.
وقالت «معنديش مشكلة أتجوز واحد متجوز، لو حبيته، واقتنعت بيه ممكن أتجوز، ولا عندى مشكلة إن الراجل يتجوز عليّا وهبقى كويسة معاها، وهقدر أتحمل الظروف دى، وبالعكس مراته التانية هتبقى صاحبتى».
وتابعت :«شئنا أم أبينا، الرجالة عندهم مبدأ التعدد، وإلا يبقى إحنا بنضحك على نفسنا لأن الراجل أول ما ربنا بيكرمه ويبقى معاه فلوس بيتجوز، هو ربنا خالقه كده، والراجل بيبقى قادر في حاجات كثيرة جدا لغاية سن متقدم عن الست،فلو الست قصرت معاه في حاجات معينة وهو محتاج واحدة تانية ومش عايز يغضب ربنا فيتجوز، وربنا أحل له ده»
واستكملت ميسرة كلامها : «لو الست عاملة له كل حاجة وهو طفس ليها حق أنها ترفض أو تقبل، بس أنا عارفة ستات كتير تقولك جوزى يصاحب بس ميتجوزش عليّا، طيب ما هو لو صاحب أنتى بتشيليه ذنب، أنا لو متجوزة ومقصرة مع جوزى في حاجات ومش قادرة أديهاله وهو بيدور عليها موافقة يتجوز عشانها، أنا لازم أبقى عادلة مع نفسى ومع غيرى، لكن لو أنا مش مقصرة وعايز يتجوز مقدرش أقبلها وهنفصل عنه بهدوء»
وكشفت ميسرة عن الفرق بين الزوج مصري واللبناني، عن المصري قائلة :”«لو ضحك مع واحدة في الشارع مراته بتسود عيشته وكذلك هو لو مراته ضحكت مع واحد بيسود عيشتها».
وقالت عن الرجل اللبناني :«الراجل اللبناني تربيته غير المصري، واللبناني على طبيعته مش بيفرق معاه كلام الناس وبيعمل كل حاجة مع مراته وبيتبسطوا» .