سوشيال تريند
كشف الفنان باهر النويهي، عن كواليس ظهوره في بعض الصور مع نيرة أشرف، طالبة جامعة المنصورة، التي تعرضت للقتل قبل أسابيع.
وأوضح باهر النويهي في فيديو نشره عبر حسابه على Instagram، حقيقة علاقته بنيرة أشرف، حيث قال: «الموضوع ده مضايقني جدا، لأن الأخبار دي في كتير منها مالوش أي أساس من الصحة، وفي ناس ابتدت تشوف الأخبار دي وتكتب عندي تعليقات».
وأكد أنه تلقى تعليقات مختلفة حول نيرة أشرف، والبعض اتهمه بأنه كان مرتبط بها ويحاول إخفاء تلك العلاقة، إلى جانب لومه على حذف صوره معها.
وتابع: «الحقيقة إن أنا مسحت صورها فعلا، لأن في ناس بعتت لي أن نيرة أشرف بيتشهر بها، وأنا مش فاهم إيه اللي في الصور يشهر بنيرة، مفيهاش حاجة مسيئة».
وواصل: «قررت أن أمسحها عشان مبقاش جزء من الموضوع ده، أنا مش عايز الناس تشير حاجات هم مش عارفينها ويكتبوا للناس كلام يضايق، وبطلب من الصحفيين أنهم يتحققوا من الأخبار قبل ما ينشروها».
وأردف باهر النويهي: «من خلال معرفتي بنيرة هي إنسانة كويسة ومحترمة جدا وعمري ما شفت منها حاجة وحشة، وعمرها ما أتكلمت معايا أنها عايزة تدخل الوسط الفني».
أما عن كواليس الصورة المتداولة، فأكد: «صورة جماعية في مكان عام، وعادي كلنا نتصور في جماعة، وممكن حد يبقى لسه مقابلينه أو حد نعرفه بطريقة سطحية، والصور مش شايف فيها أي حاجة مشينة أو حاجة تدينها».