سوشيال تريند
حالة من الجدل الواسع، شهدتها مواقع التواصل الاجتماعي، الساعات الماضية، بعد تداول أنباء بشأن انفصال الفنانة حلا شيحة عن زوجها الداعية معز مسعود.
من جانبها، حسمت حلا الجدل بمنشور عبر صفحتها الشخصية انستجرام قالت فيه:” لكل المتابعين والمحبين علي صفحتي حابه اقولكم مفيش اي خبر اتكتب عن معز وعني يخص الطلاق وكلامي في البوست اللي فات كان كلام عام”.
«أنا مش شيخة».. أول رد من حلا شيحة على أنباء طلاقها من معز مسعود
وتابعت :” معز بعيد عن الكلام دا بالعكس هو سبب كبير لحاجات جميلة في حياتي وحياته ولادي وعيب الكلام اللي بيتقال علي صفحات السوشيال ميديا “.
وأوضحت حلا شيحة :” بالنسبة لحجابي انا قلت بحاول زيي زي بنات كتييير و اكيد مش احسن حاجة بس انا كدة دلوقتي و الحمد لله وانا مش شيخة انا انسانة عادية جداً ليا حسناتي و ليا سيئاتي و البشر كلهم كدة فبلاش حد يزايد علي حد و بدل ما نتريق او نقول كلاممش مهم نكون متصالحين مع نفسنا و نبطل نحكم علي بعض احنا بشر مش ملايكة يلا انا مسامحة الكل معلش بشر بردو تصبحوا على خير “.
وجاءت تلك الأنباء بعد منشور غامض للفنانة حلا شيحة على حسابها الرسمي على “انستجرام”.
وكتبت حلا: « لحظات من حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل، لحظات مع نفسنا بنتأمل فيها حياتنا، كل أيامنا لحظة، علشان كده مفيش حاجة تستاهل الزعل والتفكير الزيادة، أجمل حاجة إن الواحد لما يتعب أو يحس أنه تايه أو متلخبط لازم يبقى متأكد أن مشاعره بتقوله حاجات محتاج يعرفها أو يفهمها أو يفهم نفسه أكثر ويتعلم».
وتابعت: «مش عيب نقول غلطنا ومش عيب نصلح اخطاءنا بس أهم حاجة منكملش ونعاند نفسنا ونعاقب نفسنا ونحكم على نفسنا بالفشل، الفشل إننا نسيب نفسنا جوا نفس المشاكل ونستسلم».