سوشيال تريند
حالة من الجدل الواسع شهدتها مواقع التواصل الاجتماعي، الساعات الماضية، بعد منشور لمخرج مصري يدعى مؤمن نور، على حسابه على “فيس بوك” يكشف فيه عن علاقة الفنانة عايدة رياض بالطالبة نيرة أشرف التي ذبحت أمام جامعة المنصورة على يد زميلها.
وقال مؤمن : “الله يرحمها نيرة كانت هتبقي نجمة كبيرة وليها مستقبل وهحكيلكم كواليس.. كانت داخلة معايا عمل فني وهتطلع بنت عايدة رياض وخدتها وروحنا لها لقيت مدام عايدة بتقولي يخرب بيتك أنت جايب واحدة نسخه مني”
مفاجأة من العيار الثقيل بشأن علاقة الفنانة عايدة رياض بـ نيرة أشرف وآخر لقاء قبل وفاتها
وتابع: “: “فعلا نسخة منها وهي صغيرة والكلام اللي بقوله ده تقدروا ترجعوا للأستاذة عايدة وتعرفوا منها إن البنت كانت فرحانه وعاملة زي الطفلة ومتحمسة جدا أنها هتعمل حاجه تضيف لها وأنا وعدتها إني هخليها أهم حد على السوشيال وهديها دفعة كبيرة للأمام وهخلي قنوات وجرايد تتكلم عنها وتعمل معاها لقاءات”
وأضاف: “قولت لها إنسي الجانب السيء في حياتك وما تركزيش مع حد أنتي هتبقي في حتة تانية خالص وهي كانت جميلة جدا وعندها كاريزما وقبول رهيب لكن للأسف الكلب ده كان دايما يبعت لها من أكونتات فيك وكانت بتوريني وكلمته مرة فون وهددته ومن ساعتها وهو يتلاشى عشان عرف إني غبي”
واختتم مؤمن منشوره: “طبعا أنا بحكي الكلام ده لأني بقالي ٤ أيام مش قادر أخد قرار إني أبدأ العمل ولا لا وحاسس إن في حد ماسكني من رقبتي وخانقني ومش طايق أبص في ورق وخدت القرار بأني أغير كل حاجة حتى النجوم عشان كده ذكرت لكم القصة دي لأني مش هقدر أجيب واحدة تعوض مكان نيرة والشغف اللي عندي راح وقلبي اتكسر والله وتعبت وكل دقيقة بفتكرها ومش قادر تعبان جدا”.
من جانبها، فجرت الفنانة عايدة رياض مفاجأة ، قائلة أن كل تلك الأنباء غير صحيحة، مؤكدة أنها لم تلتقي نيرة أشرف مطلقًا، متسائلة عن سبب الزج باسمها في مثل هذه الأمور.