سوشيال تريند
حالة من الجدل الواسع شهدتها مواقع التواصل الاجتماعي، الساعات الماضية، بعدما فاجئت المطربة آمال ماهر الجمهور بظهورها لأول مرة في مقطع فيدي قصير، تطمئنهم فيه عن حالتها.
وظهرت آمال، خلال التسجيل بجسم نحيف والهزال العام يسيطر عليها، الامر الذي أثار تساؤلات لدى الجمهور عن حالتها.
مصور فيديو آمال ماهر يفجر مفاجأة مدوية للجمهور.. هل كانت دوبليرة؟
من جانبه، رد المصور الفوتوغرافي كريم مسلم، مصور فيديو ظهور آمال ماهر، على الانتقادات التي وجهت له عقب نشر الفيديو.
وقال مسلم: “مافيش تلاعب في الفيديو خالص، الفيديو اتصور واتقطع واحنا قاعدين، واتسلم ليها وخلاص ماليش علاقة، ولكن هي تعبانة ومكنتش قادرة تسجل بسبب السعال اللي عندها.”
وتابع، في تصريحات صحفية: “يقال إن دي دوبلير لآمال ماهر، ولكن محصلش هي بنفسها اللي في الفيديو، وكانت تعبانه وكل شوية تعطس وتشرب حاجات سخنة عشان كده عملت مونتاج للفيديو، وطالعة مش حاطة ميك اب ولا حاجة.”
ووجهت ماهر، رسالة إلى محبيها قائلة:
خلال التسجيل:جمهورى وأهلى أنا بخير الحمد لله، حبيت أطمنكم عليا، معلش الفترة اللى فاتت مكنتش قادرة أكون متواجدة معاكم، كان عندى كورونا بس الحمد لله اتعافيت وحبيت إنى أطمنكم عليا.
وتابعت:ألف شكر أنا حقيقى ممتنة لكم الحب والخوف اللى شوفته ولمسته.. الحمد لله ودا إن دل على شيء يدل إن ربنا راضى عنى، بعد ما شفت كم الحب الهائل والكبير، أنا بشكركم من كل قلبي جمهورى العربى وبحب أهنئ الشعب المصرى بمناسبة ثورة 30 يونيو، كل سنة وأنتوا طيبين، أنا بخير الحمد لله.. انتظرونى قريب”.