سوشيال تريند
وجه الإعلامي محمود سعد رسالة للمطربة آمال ماهر ، وذلك بعد الجدل الواسع الذي شهدته مواقع التواصل الاجتماعي، الأيام الماضية، بشأن اختفاءها، وطالبها بالظهور لجمهورها والكشف عن حقيقة ما مرت به.
وقال سعد، في فيديو نشره، “أنا معرفش آمال فين بس عاوز أقولها إن كلنا قصرنا في حقك وإنتي في عنينا الاتنين متخافيش من حاجة، الشعب العربي كله بيحبك والمصريين بيحبوكي”.
«إوعي حد يخوفك».. رسالة نارية من محمود سعد بشأن اختفاء آمال ماهر
وتابع: “أوعي حد يخوفك وأوعي تخافي من حد، لازم تغني ولازم كلنا نساعدك إنك تغني، فلو عندك مشكلة اخرجي وقولي ولازم تتجاوزيها، لأن انت عندك موهبة ميصحش إنها تضيع بسبب خناقة أو مشكلة”.
وأضاف: “بيوتنا كلها مفتوحة لك، معندناش مصري فنان كبير يخاف من أي حد، الفنان الموهوب اللي عندنا في عيون كل الناس وبالتالي عنده حماية كبيرة جدا.”
وأكمل محمود سعد: “ماتواصلتش مع آمال ماهر بقالي كتير، ومعرفش حاجة عن حياتها الشخصية، وايه المشكلة القائمة دلوقتي”.
واختتم قائلا: “عايز أقول لك ماتخافيش، مالناش دعوة بالمشكلة، لينا دعوة أن نقول لها احنا بنحبك وقومي وغني ومتعي الناس، وإذا كان حد مخوفك قولي لنا”.