سوشيال تريند
كشفت المطربة هلا رشدي، عن آخر تطورات حالتها الصحية بعدما أجرت عملية جراحية عاجلة في العمود الفقري، وذلك في بداية شهر يونيو الجاري.
وقالت هلا، خلال بث مباشر على حسابها الشخصي، عبر موقع تبادل التواصل الاجتماعي فيسبوك، :”كنت متجهة يوم 14 مايو الماضي إلى إحدى الدول العربية.. وأثناء هبوطي من الطائرة شعرت بشد عضل شديد في قدمي.. واتجهت للفندق، مع استمرار الألم.
وتابعت:”روحت لدكتور من اللي هما سمكرية البني آدمين دول.. وبرضو ما فدنيش بحاجة.. وبعدين روحت تاني يوم لدكتورة نفس النظام.. قالتلي عندي غضروف على وشك الإنفجار.. وفضلت تضغط على أماكن معينة في جسمي.. وفجأة الألم راح.. وقررت أنام بقى.. صحيت كنت هموت.. رجلي الشمال وقفت.. وأخدت ترامادول.. ولا سكنّي.. ولا عملي دماغ حتى”.
وأضافت:”قررت أرجع مصر.. وقولت أموت في بلدي.. كفاية كده، وفعلا رجعت وعملت رنين مغنطيسي.. ولقينا الغضروف انفجر.. ونزل على العصب الشمال في رجلي.. وقبل العملية بيوم.. ناس كتير كلمتني.. وده أكد لي إن ده آخر يوم في عمري.
وأشارت:””لما كنت في غرفة العمليات.. أهلي بيشوفوا أخبار كتيرة.. زي وفاة هلا رشدي.. وحاجات كتير من كده.. بس الحمد لله.. ولما صحيت شوفت المحلول اللي فيه الحاجات اللي طلعت مني في العملية.. عرفت قد إيه البني آدم هين.. وماعرفش ليه الناس بتظلم بعضها.
مقالات قد تهمك:
“الدين مش طقوس”.. إلهام شاهين تثير الجدل بتصريحات نارية عن الدين
شاهد.. ابن أحمد حلمي يخطف الأنظار في اول ظهور له