سوشيال تريند
قدمت المحامية وعضو المجلس القومي لحقوق الإنسان طالبت نهاد أبو القمصان، بلاغ للنائب العام ضد الدكتور مبروك عطية بسبب تصريحاته المثيرة على واقعة مقتل طالبة المنصورة.
وقالت نهاد، في فيديو نشرته على حسابها الشخصي، بموقع تبادل التواصل الاجتماعي فيسبوك، :”في مواطن اسمه مبروك عطية بيدعي أنه شيخ.. بيقول للبنات لو عايزة تصوني نفسك البسي خيمة وبيبرر للي قتل البنت قدام جامعة المنصورة أن دي طبيعة المجتمع المصري.
وتابعت:عطية يرتكب عددًا من الجرائم ومنها تعطيل الدستور والقانون.. فإذا كانت البنات هي المسؤولة عن حماية نفسها ولازم تلبس خيمة علشان المجرمين المطلوقين في الشوارع فهنا لا في دستور ولا قانون.. بحسب نص حديثها.
وأضافت:تاني جريمة هي التحريض على العنف فالبنت اللي مش هتلبس الخيمة اللي بيقول عليها تستحق القتل.. وثالثا.. دي جرائم إنترنت طبقا لجرائم الاتصالات والإنترنت.. ورابعا.. نتحدث عن إشاعة الإرهاب في المجتمع المصري وبنخوف كل البنات.
وكان قد علق مبروك عطية، على واقعة طالبة المنصورة قائلًا:رغم الفحش، والجريمة والسواد اللي عايشين فيه.. يبقى الله هو الرحمن الرحيم.. لأنه لو لم يكن رحمانا رحيما لحدثت جرائم أشد.. عيّلة من المحلة رايحة الامتحان في آداب المنصورة، يقتلها عيل بسكينة.. ربنا يرحمها وسائر موتانا، ويصبر أمها وأبوها.. ويحسن عزاءهم.. ويفرغ على قلوبهم صبرا وينتقم من المجرم.. ويبصر الميديا بالعقوبات.. معلومة صغيرة العقوبات شُرعت في هذا الدين لردع الناس والتوعية والتربية.
وتابع:الشباب اللي كان بيعلق على حادث المنصورة نصهم كابوريا.. لكن ممكن يقتل بعد دقيقة.. لأن دي عواطف مزورة.. بس علشان البنت تنزل من بيتها.. لازم تكون متحجبة ولابسة واسع.. حياتك غالية عليكي.. شوفوا بقى هقول كلمة لله.. عاوزة تخرجي من بيتكم اخرجي لا بنطلون ولا شعر على الخدود.
وأضاف:ليه بقول كدا.. لأن هيشوفك اللي ريقه بيجري وهيدبحك.. فدا واقع.. هناك بُعد آخر للحجاب ليس دينيا فقط.. لكن هو بُعد له علاقة بالمجتمع اللي عايز المهفهف والمقمط، خافي على عُمرك.
وأشار:طب هتقولوا ما هم مأمورين بغض البصر.. هاقولك لما يبقوا رجالة بجد، أخرجي من البيت وأنتي عارفه خارجة على مين.. مش خارجة على حد متحضر.. حواليكي كلاب وديابة.
مقالات قد تهمك :
«أبويا مايمشيش ف جنازتي».. سر إنهاء حياة «مصطفى» بقفزه من أعلى كوبري جامعة المنصورة
الغيابات تحاصر الزمالك قبل مواجهة البنك الأهلي