سوشيال تريند
أكدت الفنانة ريم مصطفى، أن التمثيل لم يكن السبب في انفصالها عن زوجها السابق ووالد نجليها عمر وعليّ، بل على العكس تماماً فقد تلقت الدعم من خلالهم.
وأوضحت ريم في لقائها مع الإعلامية لميس الحديدي في برنامج كلمة أخيرة على قناة ON، أن طليقها أعطاها الدعم الكامل عند اتخاذها قرار دخول التمثيل.
وأضافت: “هو اللي دعمني جدا هو والولاد، هما اللي وقفوا جمبي وساعدوني في القرار ده جداً، يعني أنا لولاهم حقيقي ما كنتش هعمل ده”.
وتابعت، أن أولادها هم من دعموها أيضاً من خلال عمل اختبار الكاميرا لأول مرة لها.
ريم مصطفى: حزنت على طليقي
أكدت ريم مصطفى أن اختيارها لشريك حياة من جديد، سيكون أمراً صعباً جداً، مشيرة إلى أنها تعلمت من تجربة زواجها السابقة كيف تختار شريك حياة بصورة مناسبة.
وأوضحت أنها حزنت على طليقها حزناً شديداً عند وقوع الطلاق، لدرجة أنها تقوقعت على نفسها وأخذت وقتاً طويلاً للتعافي.
أردفت: “أنا ما وصلتش للي أنا فيه بسهولة، الدنيا ورت الواحد حاجات كتير، فأنا ما برددش شعارات وخلاص، وطبعاً الطلاق بيوجع وأيامها حزنت جامد، لما ماما كانت بتكلمني وتقول لي هتفضلي نايمة في السرير كده قومي”.
تابعت أنها كانت ترد على والدتها قائلة: “لو ما حزنتش على عشرة عمري وأبو ولادي أزعل على مين، أنا مقتنعة إن البني آدم لازم ياخد وقته في الزعل، لأن الإنسان لو ما أخدش وقته في الزعل هيطلع في شكل غلط أو جسمه هيتأثر زي جسمي بيتأثر بالزعل، وعشان كده بقيت بحترم الزعل ولما بيحصل حاجة تزعل باخد وقتي”.
اقرأ أيضا:
«مش هنقضيها محاكم».. من هو طليق ريم مصطفى والسر وراء انفصالهما؟