ادعوله.. تطورات الحالة الصحية لابن الفنانة ميار الببلاوي

مرض ابن الفنانة ميار الببلاوي من أكثر الجمل البحثية التي تصدرت قائمة تريندات جوجل، خاصة بعد الاستغاثة التي أطلقتها على مواقع التواصل الاجتماعي.

وأكدت الببلاوي، إصابة ابنها بجرثومة في المعدة، ربما تحيل دون ذهابه إلى امتحان آخر مادة في كلية الاقتصاد والعلوم السياسية.

قالت ميار الببلاوي في تصريحات لها: «الدكتور طمني، وقالي ابنك عنده فيروس في المعدة، وبيخف بعد 3 أيام، ولكن أعراضه صعبة، وكان يهمني يروح الامتحان لأنها آخر سنة، لكن لما شفت حالته صعبة قلت يارب يقف بس على رجله».

تطورات الحالة الصحية لـ ابن ميار الببلاوي
وأضافت ميار الببلاوي: «الحمد لله ابني راح الامتحان، أصحابه جم ومسندينه، هو كل حاجة ليا في الدنيا، لأني فقدت والده وهو عنده سنتين، ومن بعد وفاة ماما وقلبي دايمًا مقبوض، خاصة إنها تعبت نص ساعة وماتت».

وتابعت: «الحمد لله فضل ونعمة من ربنا، هو اتحسن، بس قلبي واجعني أوي عليه، ماكنتش قادرة أشوفه وهو مش قادر يقف على رجله».

وأضافت: «الدكتور بيعالج ابني في البيت، وعلق له محاليل، لأنه بيعاني من مشكلة في المعدة، والدور منتشر بين جيله بصورة كبيرة، ومن المقرر أن يتحسن خلال 3 أيام فقط».

وأعلنت ميار الببلاوي عبر حسابها عبر موقع التواصل الاجتماعي «فيس بوك»، تعرض ابنها لأزمة صحية، وكتبت: «إيه ده، إيه الدنيا دي، إيه الناس دي، الواحد عايش في كوكب لوحده ملهوش حد، ولا يفرق مع حد كله بيقول يالا نفسي، ولو ليه مصلحة عندك يعملك نفسه مروحة، ولو ملوش متلزموش، دي كلمة ست طيبة لقتني ببكي في المسجد بتاع المقابر وقالت لي دموعك غالية وفريها الجايات كتير، والله استغربت كلامها وكأنها بتأهلني للي جاي».