سوشيال تريند
الفنانة رانيا يوسف عادًة ما تثير الجدل، سواء بإطلالتها أو تصريحاتها الجريئة وبعد مواقفها، ويبدو أن هذا الأمر لا يسبب لها الإستياء عكس كثير من الفنانات، بل تراه أمر إيجابي و «لطيف» حسب قولها.
قالت يوسف في مُقابلة لها مع برنامج «arabwood»: «الجدل ده لطيف مش وحش نهائي أن الناس تقعد تتكلم وتقول».
وأضافت: «الحقيقة أنا مابعملش حاجة خالص هما اللي مركزين معايا معرفش ليه، أنا بشتغل فقط وفي حالي وماليش دخل بحد، وحياتي هادية وماليش إجتماعيات كتير، بس ده حلو مش وحش».
وعن تفكيرها في الزواج مجددًا قالت يوسف: « التجارب اللي حوالينا مش مثمرة أوي، ونسب الطلاق وصلت 90% ومابفكرش في الموضوع ده خالص، والموصوع ده انتهى من حياتي خالص، وأنا دلوقتي بشتغل وبربي بناتي وبلعب رياضة لو لقيت وقت».
وانتهت يوسف مؤخرًا من الجزء الخامس من مسلسل الأنسة فرح، والذي لاقى ردود أفعال إيجابية: «عادًة المسلسلات اللي بتبقى أجزاء مابتنجحش بالقي الأجزاء منها مثل الجزء الأول، ولكن المسلسل نجح بكل الأجزاء، ومبسوطة بردود الأفعال، والنسخة الأجنبي كان فيه جزء سادس، لكن أنا معرفش لسه هنعمل جزء جديد ولا لأ».
وكانت قد كشفت يوسف في مُقابلة سابقة لها عن تربية أبيها لها، وتربيتها لأبنائها: « أنا اتربيت تربية عسكرية، أبويا كان راجل لطيف وبسيط، وتربيتنا مكنتش عسكرية أوي، هو كان فيها نظام واحترام».
وكشفت رانيا يوسف، خلال اللقاء، عن أسلوب تربيتنا لبناتها، وقالت: «أنا مصاحبة عيالي علشان مخسرهمش، إحنا في زمن التكنولوجيا، لو مصحبتهمش هخسرهم وأنا مش عاوزة أخسرهم». وأضافت: «أنا أم وأب في نفس الوقت، المسؤولية عليا لوحدي، وباخد كل القرارات والاختيارات لوحدي».