سوشيال تريند
تعرضت الإعلامية منى عراقي، لموجة حادة من الانتقادات من قبل مستخدمو مواقع التواصل الاجتماعي، بعدما نشرت مقطع فيديو لها مع الراحل سمير صبري.
وظهرت منى عراقي، خلال مقطع الفيديو وهي تحاول إقناع الراحل سمير صبري بترديد كلمات أغنيته “حلوة الدنيا سكر”، ولكنه رفض التصوير، فوافقت على رغبته قائلة “طب بلاش”.
وردت عراقي، على انتقادات الجمهور قائلة:أنا وأستاذ سمير أصحاب من زمان وبينا أصدقاء مشتركين.. وطول ما هو عيان في المستشفى كنا بنروح ليه.. ولما خرج من المستشفى راح الماريوت أخد أوضة بتطل على الجنينة زي ما بيحب.. وروحنا ليه اتعشينا معاه.. واقترحت عليه نعمل فيلم نسميه حلوة الدنيا سكر.. لأنه كان بيقعد يحكيلي إن عنده تفاصيل كتير جدا عن الفنانين خصوصا سعاد حسني ولسه مطلعتش.. اتصورت معاه في الأول صورة وبعدين فيديو وغنيت الأغنية بتاع حلوة الدنيا سكر.
وتابعت:”ده كان قبل ما يموت علطول.. ولم يكن مستاء من التصوير.. أنا لم أخالف أي أعراف في تصوير شخص.. هو كان حالته كويسة جدا وبيتكلم عادي.. مش زي ما ناس صورته وهو متعلق له محاليل.. الراجل كان فاكرني بعمل برومو وهنشره وهوا كان رافض نحرق الفكرة أو أي حاجة تطلع عن إننا بنعمل حاجة مع بعض.
وأضافت:”هصوره ليه غصب عنه.. لا هو في حالة وحشة ولا متوصل بخراطيم زي ما الناس كانت منزلة.. الراجل كان زي الفل وصحته كويسة.. أنا عرفت إن النيابة جت حققت في موته لأنه كان كويس جدا.. هصوره غصب عنه ليه.. الفيديو مفيهوش أي إساءة ليه خالص.
مقالات قد تهمك :
مصدر يفجر مفاجأة صادمة بشأن سبب غضب بوسي في حفل زفافها.. عليا الطلاق أبوظ الجوازة
«السلاح مرخص»| أول رد من حسام حبيب على اتهامه بالتعدي على شيرين وبناتها.. فجر مفاجأة