سوشيال تريند
وجه المطرب تامر عاشور، رسالة قاسية للملحن عمرو مصطفى، وذلك بعدما هاجم الهضبة عمرو دياب في إحدى اللقاءات التلفزيونية.
وشارك تامر، منشورًا على حسابه الشخصي، عبر موقع التواصل الاجتماعي فيسبوك.
وكتب عاشور، خلال المنشور:”النجاح يعني إعمال مش كتر كلام.. واقول هعمل واسوي وعايش اتريق على ده وده بقالي سنين.. التاريخ جميل مفيش شك بس بيعتمد ع الوقت يعني نقيم اللي شغالين دلوقتي لما يقعدوا نفس الزمن اللي انت قعدته ونشوف.. لكن تقييم دلوقتي اسمه جهل ب التاريخ”.
وتابع:””أ-ب ملحن يعني لازم مطرب يغني اللحن ده والا مكنتش هتبقى ملحن.. المطرب الاول ينجح بعد كده الملحن ينجح طبعا مفيش كلام.. والملحن ف حته والمطرب ف حته كل نجاح مختلف عن التاني.. ونادر عبد الله اعماله كلها ناجحه و شاعر كبير قوي قوي قوي كلامه تقيل كلامه خفيف نبقى نوزن ونشوف.. لكن نبذه عن اعمال نادر التقيله “ اواخر الشتا اليسا – تسلم – كلموها عني – اخر مقابله -تصدق بمين اليسا – بطمنك شيرين – اخيرا اتجرأت شيرين – ريحة الحبايب عمرو دياب – خلينا نشوفك عمرو دياب -واضرب ف ٢٠٠ على نفس المستوى.. بس البوست مش هيكفي تاريخه.. بس هو مش بتاع بروباجاندا بس”.
وأضاف:ومحمد رحيم مش محتاج حد يفرحه اكيد ده بابا يا عموره دراسه ومزيكا وحاجه تشرف يعني وتعطل قدامه جدا بمعمل الكيميا اللي بتتكلم عنه ده .. والهامي دهيمه موزع اغنيه “قولوله سماح” فنان كبير هو وادهم اخوه ومش هجيب سيرة عمرو دياب كتير بس هو الڤاترينه اللي قدمتك للناس ب “خليك فاكرني “ سنه ٩٩ يعني كان عندك ١٣ سنه حسب كلامك مع الاعلامية اسما ابراهيم .. مش عامر منيب اللي قدمك عامر فعلا ليه فضل على كل الناس وانا منهم بس مش هو اللي قدمك متزييفش التاريخ اللي عمال تتمسك فيه .. ونعمل سيرش على كل اسم من دول نلاقي اعمال تخض.. وتاريخ يزعلك شخصيا مش برامج وتخبيط وهخليهم يعتزلوا ومحدش بينجح والكلام العجيب ده وف الاخر تقولي مصر”.
وأشار:ما تطلع تتكلم كويس على فنانين مصر طيب.. وقصه نبضات القلب بتاعت الاغاني دي بلح.. وهنغير الذوق العام هتغير الذوق العام – ب ايه هتغير الذوق العام وماله اصلا الذوق العام.. هو علشان بقى في حاجات بتنجح مش انت اللي عاملها بقى الذوق وحش !! بالتخبيط ف ناس تاريخ ووجه مصر حقيقي هتغير الذوق العام !!.. روح ادي اغنية العالم الله دي لأي حد غير عمرو دياب مكنتش هتوصل للعالميه اللي انت فرحان بيها هي اغنيه تملي معاك محققتش عالميه ؟ اكتر اغنيه لعمرو دياب وصلت للعالمية هي تملي معاك الحان “شريف تاج” مش الحانك كلمات أحمد علي موسى.
واختتم قائلًا:”السر ف عمرو دياب صدقني والدليل ان كل اغانيك مع اي حد غير عمرو زيها زي باقي الاغاني ولا راحت عالميه ولا حاجه.. ود مينقصش من فنك ولا موهبتك ومش عيب احنا ثقافة وجمهور كبير والعالم كله بيجي دلوقتي يعمل في عالمنا اغاني وحفلات متستقلش وكلام ي على عمرو مصطفى”.
أقرأ أيضًا:البطولة المفضلة في مهب الريح.. الأهلي وجماهيره يتلقون صفعة قوية بسبب كاف