سوشيال تريند
أعلنت الإعلامية سالي عبدالسلام، إصابتها بمرض الثعلبة، من خلال نشر تدوينة، عبر حسابها الشخصي، بموقع التواصل الاجتماعي فيسبوك.
وكتبت سالي، قائلة:أنا فى الابتلاء ده من ٢٠١٧.. آخر مرة جتلى الثعلبة فى شعرى ومشيت وقالولى مش هتيجى تانى كان من سنتين نفس الشهر ده بالظبط أبريل ٢٠٢٠ عند الناس بتيجى بالواحدة.. أنا حتى فى دى ربنا بيختبرنى بزيادة.. سبحانك يا رب.
وتابعت:يبتليك الله ويختبرك فى اكتر حاجة بتحبها أو كانت مميزة زمان والناس فاكرة انها زى ما هي والناس كلها بتمدحها وكانت حلوة زمان ويختبرك!!!..الرضا من عندك يا رب عشان بدأ يروح منى.. سامحنى واعفو عنى ومعنديش لا قوة ولا طاقة ولا قادرة أصبر، وأبدأ من جديد العذاب ده.. كان لازم أروح الفطار مع الولاد فى الدار ملهمش ذنب وأنا وعدتهم قبل ما اسمع الخبر وابقى مضطرة انبسط.. واجبر بخواطر وخاطرى مكسور.
وأضافت:رجعت أكتر حاجة بتوجع فى الدنيا حقن الكورتيزون فى الراس!.. ٧ حقن فى عضم الرأس بـ ٧٠ شكة.. والدموع بتقع منى غصب عنى والله مع انى عمرى ما بعرف اعيط قدام حد !.. الدكتورة سالى حضنتنى ربى يسعدك..ادعوا لى يعفو عنى وماخدش كورتيزون كورسات كاملة تانى واتبهدل تانى وابدأ من أول وجديد تانى والوجع تانى.. اللهم انك عفو كريم تحب العفو فاعف عنا.. اللهم أجرنى فى مصيبتى واخلف لى خيراً منها.
أقرأ ايضًا:”خنساء” فنان شهير يهاجم إلهام شاهين.. لن تصدق من هو