سوشيال تريند
هاجمت الفنانة رنا سماحة، المطربة زيزي بعد إعلان اعتزالها الغناء خلال الساعات الماضية من أجل أن تتقرب أكثر من الله سبحانه وتعالى.
وشاركت رنا سماحة، جمهورها منشورًا، على حسابها الشخصي، عبر موقع موقع التواصل الاجتماعي “فيسبوك”.
وكتبت رنا، خلال المنشور قائلًا:جماعة ما تعتزلوا وأنتوا ساكتين.. وكفاية بقى تقحموا الحرام والحلال.. ربنا يهديكوا ويهدينا أنتوا حرين في قراراتكوا وتحترم ومالناش دعوة بيها أو بتفاصيلها أصلًا.. اعتزلوا من غير مزايدة علينا الله يباركلكوا.
وتابعت:أما بالنسبة للحلال والحرام ف نصيحة اقروا كويس وابحثوا كثير قبل ما تصدروا للناس أفكاركم واللي مش عاجبه البوست بتاعي ميعلقش عليه.
وأعلنت زيزي عادل، قرار اعتزالها الغناء، من خلال مقطع فيديو لها على حسابها الشخصي، عبر موقع تبادل الصور والفيديوهات إنستجرام.
وقالت عادل، خلال مقطع الفيديو:أنا النهاردة طالعة أقول خبر مهم أخدته في حياتي وهو قرار اعتزالي.. قررت أسيب مهنة الغناء.. والقرار أنا مخدتهوش امبارح أنا وخداه من فترة كبيرة جدًا.. بس يمكن مطلعتش قلت وقتها لأني كنت حابة أتكلم مع نفسي ومع الناس القريبة أوي.
وتابعت:أنا ببعد عن الفن عشان بقرب من ربنا، والفترة اللى فاتت قربت من ربنا جدًا.. ولقيت إن القرآن بيقولي إني لازم أكون ست ملتزمة.. وبحاول على قد ما بقدر أكون ملتزمة وهتستغربوا شوية إني طالعة بشعري ومش محجبة.. ويمكن ده لأني لسه ربنا لم ينعم عليا بالحجاب.. وبدعي ربنا يتممها عليا.. وكل حاجة بتيجي خطوة خطوة ومفيش حاجة بتيجي مرة واحدة.
أقرأ أيضًا: لأول مرة كريم فهمي يتحدث عن خلافه مع محمد هنيدي.. ماذا قال؟