سوشيال تريند
عبر الفنان حسين مملوك، مقدم برنامج “إديني عقلك”، عن حزنه لفراق زوجته وأم أولاده التي توفيت قبل سنوات.
وقال حسين مملوك في تصريحات لراديو 9090: “موت زوجتي أم أولادي كسرني والحزن ملا حياتي، قبل ما تموت جالها نزيف في المخ ولفيت بيها على مستشفيات وأطباء كتير لكن بدون نتيجة”.
حسين مملوك: «موت زوجتي كسرني ورؤية الرسول سر نجاحي»
وتابع: “آخر يوم ليها وبدون مناسبة قالتلي إن ربنا هيكرمك بس بعد ما امشي م الدنيا، وإنها كلمت ربنا وطلبت منه ياخد باله مني .. تاني يوم ماتت وبعدها بأيام قليلة جدا فعلا ربنا كرمني بفلوس كتير.”
وأضاف مملوك: “حزنت جدا على وفاتها لأني كنت بحبها ومتعلق بيها أوي .. لما ماتت بين ايديا بكيت بحسرة وكلمت ربنا وقلتله “خدت مني نور عيني ساعدني أقدر أكمل حياتي علشان خاطر أولادي”.
واستكمل: “أنا طول عمري بكلم ربنا يوماتي لأني بحبه وعلاقتنا علاقة حبيب لحبيب .. كمان بكلم سيدنا النبي وفي يوم جاني في المنام وكان معاه شخص تاني معرفوش.. وفي المنام قولت له أنا بحب النجاح يا رسول الله.. عايز انجح .. اللي جنب الرسول قال له: إديله .. ممكن الناس تحبه وتنبسط وهو يرزق”.
وأضاف مملوك: “بعد 3 أيام قابلت المخرج على العسال فقالي أنت دمك خفيف تعالي أعمل معايا (#الكاميرا_الخفية) ومن هنا بدأت الشهرة والنجاح بفضل محبتي لزوجتي والبشرى اللي بشرتني بيها قبل ما تموت.. وطبعا ببركة سيدنا النبي ورؤيتي له في المنام.”
واختتم : “بس انا دلوقتي زعلان علشان محدش بيسأل عليا رغم اني اسعدت الناس وضحكتهم سنين طويله!”
اقرأ ايضا:
«جاتلي جلطة وأصيبت بشلل كامل».. فنانة شهيرة تفاجئ الجميع بخبر صادم