حمو بيكا يستغيث بجمهوره من تنمر هاني شاكر عليه:”انا موجوع ياناس”

وجه مطرب رسالة صادمة للجمهور ونجيب المهن الموسيقية، من خلال منشورًا، على حسابه الشخصي، عبر موقع التواصل الاجتماعي فيسبوك.

وكتب حمو، خلال المنشور:جماعة ياريت نفهم إن أنا موجوع و تعبان، كفاية تنـمر عليا، تنـمر عليا مرة واتنين وتلاتة ولسه فيه ناس بتتنمر عليا .. بتتنمروا عليا لحساب مين ؟!، أنا بني آدم زي زيكم والله، الأستاذ هاني حضرتك كنت في ندوة واتنـمر عليا وأنت أخويا الكبير.

وتابع: وأنا مسامح والله بس كفاية بالله عليك، أنا اه مش بعرف اقرأ واكتب بس ربنا خلق لي قلب أحس بيه، كفاية تجرحوني، مش كل واحد يبقى عنده سلطة يتحكم في البشر ؟!، أنا 5 سنين بعاني وبعافر بس هما شايفين إن إحنا مبسوطين وفرحانين.

وأضاف: “لا انتوا اللي مبسوطين وانتوا اللي معاكم ومعاكم كتيييير وعندكم كتيييير بس عمرنا ما بصينالكم، هو ليه لما يكون معايا حاجه حد يبصلي فيها وعايز يأخدها ؟!، ده غير مرضي اللي بدفعله في الشهر كتير أوي،  حسوا بيا لو غلطت في حاجه تعالى وحاسبني وعلمني الصح من الغلط.، فاتح بيت وعندي أسرة وعندي مسؤوليات كتير.

وأشار: محدش يعلم بيها إلا ربنا ارجوكم كفاية، ياريت تحكموا بينا بالعدل زي ما ربنا سبحانه و تعالى بيقول : وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ .. و كفاية تنمر عليا وافتكروا كلام ربنا : يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ.

أقرأ أيضًا: «واجهت بيه وجع الموت».. أمينة خليل تكشف مفاجأة عن تدريب يومي للرضا